काठमाडौं । नेकपा एमालेको नयाँ नेतृत्व चयनका लागि आज बिहान  मतदान हुने भएको छ ।

हिजाे बिहान १० बजेपछि मतदान तालिका सर्दै साँझ लाइन बसेका प्रतिनिधिहरु २ घण्टा लाइन बसेपछि मतदान स्थगित भएको थियो । उनीहरु राति मतदान स्थगित भएको सूचनापछि बासस्थल गएका थिए ।

आज बिहान ८ बजेदेखि मतदान शुरू हुने गरी मतदान स्थगित गरिएको निवर्तमान महासचिव शंकर पोखरेलले जानकारी दिएका थिए ।

मतदानका लागि तयार पारिएको विद्युतीय मेसिनमा उम्मेदवारको विवरण प्रविष्टमा प्राविधिक समस्या देखिएपछि मतदान आजलाई सरेको हो ।

एमालेको ११ औँ महाधिवेशन अन्तर्गत नयाँ नेतृत्व चयनका लागि निवर्तमान अध्यक्ष केपी शर्मा ओली र निवर्तमान वरिष्ठ उपाध्यक्ष ईश्वर पोखरेलको समूह प्यानल नै निर्माण गरेर निर्वाचनमा होमिएको छ ।