काठमाडौँ । मधेश प्रदेशका मुख्यमन्त्री सरोजकुमार यादवको नियुक्ति र शपथविरुद्धको परेको रिटमा आज सुनुवाइ हुने भएको छ ।

बिहीबार विपक्षीको बयान नसकिएपछि मुद्दा हेर्दाहेर्दैमा राखेर आज पनि सुनुवाइ हुन लागेको हो ।

न्यायाधीशद्वय हरिप्रसाद फुयाँल र नित्यानन्द पाण्डेको संयुक्त इजलासमा यो मुद्दाको सुनुवाइ भइरहेको छ ।

 

कात्तिक २३ गते मुख्यमन्त्री नियुक्तिको विरोधमा मधेश प्रदेशको कांग्रेस संसदीय दलका नेता कृष्णप्रसाद यादवसहित ७४ सांसदले मुख्यमन्त्री सरोज यादवको नियुक्तिविरुद्ध अदालतमा रिट दर्ता गराएका थिए ।