सिरहामा बस दुर्घटना, एकको मृत्यु

0

१५ जेष्ठ विराटनगर । पूर्व-पश्चिम राजमार्ग अन्तर्गत आज बिहान सिरहाको मिर्चैया नगरपालिका १ स्थित महादेवा चौकमा बस दुर्घटनामा परि एक जनाको ज्यान गएको छ ।

घटनामा २३ यात्रु घाइते भएका छन् । बिराटनगरबाट काठमाण्डौ जाँदै गरेको ना ४ ख ८०६२ नम्बरको बसलाई कटारीबाट नारायणघाट जाँदै गरेको १ ख ५०६७ नम्बरको बसले ओभरटेक गर्ने क्रममा ठक्कर दिँदा दुर्घटना भएको हो ।

क्षेत्रीय प्रहरी कार्यालय विराटनगरका अनुसार दुर्घटनामा परि घाईते भएका ५०६७ नम्बरको बसका कन्डक्टर कटारी नगरपालिका ३ बस्ने ३७ वर्षीय निलकमल श्रेष्ठको उपचारका लागि बिराटनगर ल्याउँदै गर्दा बाटैमा मृत्यु भएको हो ।

दुर्घटनामा परि घाइते भएका सिरहा मिर्चैया नगरपालिका ६ का ठकसी सरी, सिन्धुली दुधौली नगरपालिका ७ का चन्ऽ बहादुर बुढाथोकी र उदयपुर कटारी नगरपालिका ४ का मिलन थापाको मंगलम रेखा मिर्चैया नर्सिङ होममा उपचार भइरहेको छ ।

त्यस्तै बसमा सवार अन्य २० जनाको अबस्था सामान्य रहेको प्रहरीले जनाएको छ

Share.

Leave A Reply