बहिनीलाई उपमेयर जिताउन नेपाल फर्केकी नायिका बिपना थापालाई झट्का

0

२०७४ जेठ २ गते
दैलेख, २ जेठ । बहिनीलाई जिताउन नेपाल फर्केकी कुनै समयकी चर्चित नायिका बिपना थापालाई झट्का लागेको छ । उनकी बहिनी बासना थापाले दैलेखको नारायण नगरपालिकाको उपमेयरमा चुनाव हारेकी छिन् ।

काँग्रेसबाट उपमेयरको उम्मेदवार बनेकी बहिनी बासनालाई जिताउन नेपाल फर्किएकी बिपना प्रचारप्रसारमा निकै सक्रिय भएकी थिइन् । लामो समयसम्म नेपाली चलचित्रका चर्चाको शिखरमा रहेकी बिपना भारतीय व्यापारीसँग बिहे गरी मथुरामा बस्दै आएकी छिन् । उनले दैलेखका गाउँ गाउँसम्म पुगेर बहिनीलाई जिताउन अपिल गरेकी थिइन् । तर, बासना एमालेकी उम्मेदवार सावित्री मल्लसँग पराजित भइन् ।

दैलेखको नारायण नगरपालिकाको मेयर र उपमेयर दुबै एमालेले जितेको छ । मेयरमा एमालेका रत्नबहादुर खड्का विजयी भएका छन् । उनले नेपाली काँग्रेसका मणिराम रेग्मीलाई हराएका छन् ।

नारायण नगरपालिका वडा नम्बर ६, ७ र ८ बाहेक बाँकी ८ वटा वडाको वडा अध्यक्षमा नेपाली काँग्रेस विजयी भएको छ ।

Share.

Leave A Reply