कांग्रेसले टुंगो लगायो ३० जिल्लाका प्रतिनिधिसभाका उम्मेदवार, गोरखा २ मा बाबुरामलाई सघाउने

0

काठमाडौं, कात्तिक ४ – नेपाली कांग्रेसले पहिलो चरणमा हुने चुनाव हुने ३२ मध्ये ३० जिल्लाका लागि प्रतिनिधिसभाका उम्मेदवार टुंगो लगाएको छ । कांग्रेसको संसदीय बोर्डको बैठकले सिन्धुपाल्चोकमा राप्रपा प्रजातान्त्रिक र गोरखामा नयाँ शक्ति पार्टीसँग एक एक क्षेत्रमा तालमेल गर्दै बाँकी ठाउँमा उम्मेदवार तय गरेको हो ।

जसअनुसार कांग्रेसले गोरखा क्षेत्र नम्बर २ नयाँ शक्ति पार्टीका संयोजक डाक्टर बाबुराम भट्टराईलाई छोडेको छ भने गोरखाको क्षेत्र नम्बर १ मा नयाँ शक्तिले कांग्रेसका चीनकाजी श्रेष्ठलाई समर्थन गर्नेछ ।

त्यस्तै सिन्धुपाल्चोकको क्षेत्र नम्बर २ राप्रपा प्रजातान्त्रिकका अध्यक्ष पशुपति शमशेर राणालाई कांग्रेसले सघाउने छ भने त्यसको सट्टा सिन्धुपाल्चोक १ मा राप्रपा प्रजातान्त्रिकले कांग्रेसलाई सघाउने छ । सिन्धुपाल्चोक १ मा कांग्रेसबाट अहिलेका सञ्चारमन्त्री मोहनबहादुर बस्नेत उम्मेद्वार बन्नुहुने भएको छ । कांग्रेसले यसअघि ७ ठाउँमा उम्मेदवार घोषणा गरिसकेको थियो ।

प्रतिनिधिसभामा कांग्रेसका उम्मेदवार

ताप्लेजुङ – केशव दाहाल
संखुवासभा –दीपक खड्का
भोजपुर –उमेशजंग रायमाझी
खोटाङ –सरस्वती बजिमय
सोलुखुम्बु – बलबहादुर केसी
ओखलढुंगा –रामहरि खतिवडा
सिन्धुपाल्चोक १ –मोहनबहादुर बस्नेत
दोलखा –रुद्र खड्का
रामेछाप –कान्छाराम तामाङ
नुवाकोट १ –डाक्टर रामशरण महत
नुवाकोट २ –अर्जुननरसिंह केसी
धादिङ १ – विश्व अर्याल
धादिङ २ –दिलमान पाख्रिन
लमजुङ –दिलबहादुर घर्ती
मनाङ –टेकबहादुर गुरुङ
म्याग्दी –खम्वीर गर्बुजा
गोरखा १ – चीनकाजी श्रेष्ठ
बाग्लुङ १ – चम्पादेवी खड्का
बाग्लुङ २ –निरज पुन
रुकुम पूर्व –गोपालजीजङ्ग शाह
रुकुम पश्चिम –वीरबहादुर ओली
रोल्पा –अमरसिंह पुन
जाजरकोट –राजीवविक्रम शाह
कालीकोट –भूपेन्द्रजंग शाही
हुम्ला –मंगल शाही
जुम्ला –देवेन्द्र शाही
मुगु –हस्तबहादुर मल्ल
डोल्पा –अंगद बूढा
बझाङ –पृथ्वीबहादुर सिंह
बाजुरा –कबिराज पण्डित
बैतडी –नरबहादुर चन्द
दार्चुला –विक्रम सिंह

रसुवा र मुस्ताङमा भने उम्मेदवारको टुंगो लाग्न बाँकी रहेको कांग्रेसले जनाएको छ ।

Share.

Leave A Reply